Bláfjallagangan 16. febrúar 2013

Plakat_864_16Bláfjallagangan, sem þurfti að fresta vegna veðurs helgina 2.-3. febrúar, fer fram við skála Ullunga í Bláfjöllum laugardaginn 16. febrúar. Gangan er hluti af Íslandsgöngumótaröð sem fram fer vítt og breitt um landið og er tilgangurinn m.a. að hvetja almenning til þátttöku í þessari hollu íþróttagrein.
Bláfjallagangan er 20 km og fá þeir sem ljúka henni stig í stigakeppni Íslandsgöngunnar. Keppt er í þremur aldursflokkum karla og kvenna, 16-34 ára, 35-49 ára og 50 ára og eldri.
Einnig eru í boði styttri vegalengdir. Keppt er í 5 og 10 km göngu í karla- og kvennaflokki og 2 km braut verður í boði fyrir yngstu keppendurna. Allir ættu því að geta fundið vegalengd við sitt hæfi.
Rástími er kl. 11:30 fyrir 9 ára og yngri og þá sem telja sig þurfa meira en tvær klst. til að ganga 20 km en kl. 12:00 fyrir aðra þátttakendur.
Þátttökugjald er 2.500 krónur fyrir 20 km gönguna en 1.500 kr. fyrir 13 ára og eldri sem ganga 10 eða 5 km. 12 ára og yngri greiða 500 kr.
Skráning í gönguna er á vefsíðu Ullar, www.ullur.is, og mjög æskilegt er að sem allra flestir skrái sig fyrir fram til að flýta fyrir undirbúningi á mótsstað. Þó verður einnig hægt að skrá sig í skála Ullunga frá kl. 10:00 til kl. 11:00. Þeir sem höfðu skráð sig til keppni helgina 2.‑3. febrúar en geta af einhverjum ástæðum ekki verið með þann 16. eru beðnir að láta vita um það til ullarpostur@gmail.com.
Verðlaunaafhending og veitingar í Breiðabliksskála að göngunni lokinni.

Deila

Facebook
Twitter

Nýlegar færslur

Gróðursetning í Bláfjöllum