Æfingahópur Ullar

Æfingahópur Ullar veturinn 2024 

hefst 7.janúar.

Markmið hópsins er að leyfa öllum aldurshópum að taka þátt í skíðaiðkun hjá Ulli, kynna hvað skíðaiðkun er góð hreyfing. Hópurinn er ætlaður 18 ára og eldri. 

Þjálfarar
Gígja Björnsdóttir
Yngvi Guðmundsson

Æfingar:
Fimmtudag, kl 18:00 og sunnudaga kl. 11
Gígja og Yngvi verða bæði á fimmtudögum.
Yngvi stýrir æfingu á sunnudögum skv. leiðbeiningum frá Gígju.

Útfærsla:
Fullorðinsstarf fyrir alla yfir 18 ára, hentar byrjendum og lengra komnum. Gígja verður yfirþjálfari hópsins og mun sjá um utanumhald og skipulag æfinga. Gígja stýrir æfingum á fimmtudögum þar sem fókusinn verður á tækni og þol en Yngvi verður með Gígju á æfingu þannig að hægt er að skipta hópnum í tvennt ef getustigið er mismunandi. Yngvi mun stýra sunnudagsæfingunum skv. leiðbeiningum frá Gígju en þá verður markmiðið frekar þol og að skíða saman. Yngvi mun þá líka geta aðstoðað þá sem eru styttra komnir eftir þörfum. Staðsetning æfinga verður í Bláfjöllum ef það er hægt. Ef ekki er opið í Bláfjöllum verður æfingin færð þangað sem aðstæður eru bestar t.d. Heiðmörk, Hólmsheiði eða Elliðaárdal. Upplýsingarnar um æfingarnar hverju sinni verða í facebookhópi æfingahópsins og er þátttakendum bent á að fylgjast vel með því við vitum oft ekki fyrr en með litlum fyrirvara hvort það verður opið í Bláfjöllum.

Athugið að þetta er æfingahópur, ekki námskeið.

Ef þið eruð með spurningar eða annað hafið samband við:

krakkaullur@gmail.com

Skráning er hér.

Verð er 30.000 fyrir vorönn, frá áramótum og út mars (mögulega lengur ef aðstæður leyfa). Kort inn á skíðagöngusvæðið í Bláfjöllum og árgjald í Ull er ekki innifalið í gjaldinu.