Fróði Hymer keppti í dag í sprettgöngu á Heimsmeistarmóti unglinga í Slóveníu og náði frábærum árangri. Af þeim 110 keppendum sem kláruðu keppnina endaði Fróði í 36. sæti tæpum 8 sekúndum á eftir svíanum Erik Bergström sem vann undanrásirnar og rétt rúmlega 1 sekúndu frá sæti í úrslitum!
Þetta er stórkostlegur árangur, sérstaklega í ljósi þess að sprettganga er ekki sterkasta grein Fróða og má því segja að hanna hafi komið sjálfum sér og öðrum verulega á óvart. Ef horft er til þess að Fróði er fæddur 2005, og því í næst elsta árganginum á mótinu, má sjá að Fróði var í 18. sæti meðal sinna jafnaldra.
Það er ljóst að Fróði er í fantaformi enda búinn að æfa gríðarlega vel undanfarin ár. Það verður gaman að fylgjast með næstu keppnum hjá honum en strax miðvikudaginn 7. febrúar keppir hann í 20 km göngu með frjálsri aðferð, hópstart.
Skíðagöngufélagið Ullur óskar Fróða til hamingju með árangurinn!
