Í dag fer fram keppni í 10 km göngu kvenna með frjálsri aðferð. Kristrún „okkar“ Guðnadóttir er meðal keppenda og hefur keppni kl. 12:03:30 að íslenskum tíma. Kristrún er með rásnúmer 67 af 81 keppenda. Ásamt Kristrúnu er Akureyringurinn Gígja Björnsdóttir líka meðal keppenda, hún fer af stað kl. 12:07:30.
Kristrún og Gígja kepptu síðast saman í liðasprett á sunnudaginn þar sem þær náðu ekki að komast áfram í úrslit en enduðu í sterku 21. sæti.
RÚV sýnir beint frá keppninni frá kl. 11:20. Auk þess er hægt að fylgjast með beinni tímatöku hér. Það verður spennandi að fylgjast með Kristrúnu í dag. Áfram Kristrún og Gígja! Áfram Ullur!
