Formleg lok skíðavertíðar á vegum okkar Ullunga verða á morgun, uppstigningardag, við skála félagsins í Bláfjöllum. Dagskrá hefst kl 11:00 með göngukeppni barna og unglinga, spor + þrautir, að því loknu verður „samhristingsganga“ fyrir alla á flötinni við skálann og síðan grillaðar pylsur. Að því loknu er ekki ólíklegt að farin verði hópganga út í buskann en skíðafæri er frábært, nægur snjór upp um alla heiði og víðar, einnig verður lagt tvöfalt spor upp á heiði og inn í Kerlingadal.
Allt skíðagöngufólk er hvatt til að mæta og njóta frábærs skíðafæris og veðurblíðu – munið eftir sólvörninni.
Þóroddur F.
