Fréttir af afreksfólki Ullar

Ullur átti 6 fulltrúa á fyrsta FIS/bikarmóti vetrarins sem fór frá á Akureyri síðustu helgi, 14.-16. janúar.

Í fullorðinsflokki kepptu þau Salóme Grímsdóttir, Mari Järsk, Aníta Björk Jóhannsdóttir og Svavar Hrafn Ágústsson. Í flokki 15-16 ára keppti Hjalti Böðvarsson og í flokki 13-14 ára keppti Vala Kristín Georgsdóttir.

Á föstudeginum var keppt í sprettgöngu en gengnir voru 1.200m með frjálsri aðferð. Í kvennaflokki 17 ára og eldri hafnaði Mari í 2. sæti, Salóme í 4. sæti og Aníta í því 5. Í flokki drengja 15-16 ára varð Hjalti í 2. sæti.

Á laugardeginum gengu karlar 10km, konur og 15-16 ára 5km og 13-14 ára 3.5km, með hefðbundinni aðferð. Í kvennaflokki höfnuðu þær Salóme og Mari í 1. og 2. sæti og Aníta í því 7. Í karlaflokki hafnaði Svavar í 16. sæti. Hjalti hafnaði í 2. sæti í sínum flokki og Vala í 7. sæti í sínum flokki.

Á sunnudeginum var svo keppt í sömu vegalengdum nema með frjálsri aðferð. Þar höfnuðu Mari í 3. sæti, Salóme í 4. sæti og Aníta í 7. sæti. Í karlaflokki hafnaði Svavar í 16. sæti. Hjalti hafnaði í 2. sæti í sínum flokki.

Öll frekari úrslit má sjá á timataka.net.

FLottur árangur hjá fólkinu okkar!

Næsta bikarmót verður í Bláfjöllum helgina 28.-30. janúar 2022. Allar nánari upplýsingar má finna á heimasíðu félagsins.

Frá vinstri: Keppendur frá Ulli: Hjalti, Svavar, Salóme, Aníta, Mari. Fyrir framan: Ólafur Sveinn, klappliðsmaður.

Deila

Share on facebook
Facebook
Share on twitter
Twitter

Nýlegar færslur

Fréttir af afreksfólki Ullar